मेहेरबाबा

"सर्वधर्म समभावाचा बहुमुल्य संदेश देणाऱ्या व आंतरराष्ट्रीय एकात्मतेचे प्रतिक" समजल्या जाणाऱ्या 

अवतार मेहेर बाबा यांच्या पावन स्मृतीस विनम्र अभिवादन..!! 

मेहेरबाबा आजच्या दिवशी म्हणजे ३१ जानेवारी १९६९ रोजी महासमाधिस्थ झाले. त्यांचे भक्त हा दिवस अमरतिथी म्हणून बाबांच्या शिकवणीची उजळणी करत साजरा करतात.

बाबांचा नाशिकशी नेहमीच स्नेहाचा ऋणानुबंध होता. या  अमरतिथी निमित्त बाबांच्या नाशिक भेटीची काही जुनी छायाचित्रे.

🙏

#Nasik #Nashik #MeherBaba #amartithi

साधुग्राम प्रवेशद्वार, तपोवन नाशिक

साधुग्राम, तपोवन, नाशिक प्रवेशद्वार 

२०१४-१५ च्या कुंभमेळ्यादरम्यान तपोवनात हे हेमाडपंथी पद्धतीचे दगडी दिपमाळ असलेले प्रवेशद्वार उभारण्यात आले. प.पु. जगद्गुरु रामानंदाचार्य प्रवेशद्वार असे नामकरण करण्यात आले. कुंभमेळ्यासाठी जगभरातून आलेल्या विविध आकड्यांचे साधुंना निवासासाठी या परिसरात साधुग्राम वसवण्यात आले होते. या वातावरणाला पूरक असे कलात्मक डिझाईन, घंटा, भगवे ध्वज, दगडी स्तंभ व दिपमाळ यांमुळे हे प्रवेशद्वार वैशिष्ट्यपूर्ण ठरले आहे.

पुण्यश्लोक अहिल्याबाई होळकर बारव, गिरणारे, नाशिक

 पुण्यश्लोक अहिल्याबाई होळकर बारव, गिरणारे

      

नाशिकपासुन अवघ्या २५ किलोमीटरवर दिंडोरी तालुक्यात गिरणारे नावाचं एक गाव आहे. या गावात अहिल्याबाई होळकरांनी बांधलेली एक सुंदर तीन मजली बारव आहे. विटांनी केलेल्या सुंदर बांधकामाची. विशेष म्हणजे 250 वर्षांनंतरही ही ब-यापैकी सुस्थितीत आहे.  या बारवचे बांधकाम लाल रंगाच्या विटांनी झालेले आहे. अजूनही ही बारव गावाला पाणी देते. या बारवेच्या भिंतींवर बरिचशी चित्रे काढण्यात आलेली होती. त्यांची निगा न राखल्याने व ही बारव गाळाने भरल्याने ही चित्र नष्ट झाली. मात्र बारवेच्या प्रवेशद्वारावर दोन चित्रे अद्यापही ब-यापैकी सुस्थितीत दिसत असून, त्यांच्या संर्वधनासाठी प्रयत्न होण्याची आवश्यकता आहे. ही चित्र आवर्जून पहायला हवीत अशीच आहेत. 

सदर बारव गाळामुळे बुजलेली असताना गिरणारेच्याच शिवकार्य गडकोट मोहीम संस्थेचे राम खुर्दळ व त्यांच्या सहका-यांनी, स्थानिक ग्रामस्थ व मविप्र सिडको कॉलेजच्या विद्यार्थ्यांच्या मदतीने व श्रमदानातून या बारवेला नवसंजीवनी दिली आहे. 

Step well at Girnare, Taluka Dindori, Dist Nashik built by Ahilyabai Holkar. This magnificient, 250 years old 3 storied stepwell still intact and well preserved. 

शाकंभरी नवरात्रानिमित्त सप्तश्रृंगी मंदिर ट्रस्टचे आवाहन

*भाविकांना नम्र आवाहन*

आद्यस्वयंभू व त्रिगुणात्मक स्वरूपी शक्तीपीठाचे अर्थात श्री सप्तशृंग निवासिनी देवी - श्री सप्तशृंगी मातेचा *शाकंबरी नवरात्र उत्सव २०२१ व मासिक पौर्णिमा* निमित्ताने श्री भगवती मंदिर आज मंगळवार, दि. २६/०१/२०२१ पासून गुरुवार दि. २८/०१/२०२१ रात्री १.०० वाजे पर्यंत  खुले असणार आहे. भाविकांनी कोविड-१९ अनुषंगिक योग्य त्या खबरदारीसह श्री भगवती दर्शनाचा लाभ घ्यावा. ही नम्र विनंती...!

भगवती की जय हो.....!

द्वारा: 

श्री सप्तशृंग निवासिनी देवी ट्रस्ट, सप्तशृंगगड

ता. कळवण, जिल्हा. नाशिक (महाराष्ट्र)

दूरध्वनी क्र. (०२५९२) २५३३५१

भक्ती-शक्ती चा संगम असलेला चित्ररथ

२६ जानेवारी, प्रजासत्ताक दिनाच्या दिवशी राजपथावर महाराष्ट्राच्या चित्ररथावर दिसणार 'भक्ती-शक्ती परंपरा'

महाराष्ट्राच्या वतीने 'वारकरी संतपरंपरेवर आधारित चित्ररथ यावर्षी ७२व्या प्रजासत्ताकदिनी (२६ जानेवारी २०२१) रोजी होणा-या राजपथावरील पथसंचलनासाठी सज्ज झाला आहे. 

संतपरंपरा दर्शवणाऱ्या महाराष्ट्राच्या चित्ररथावर वारकरी संप्रदायाचा पाया रचणाऱ्या संतश्रेष्ठ ज्ञानेश्वर महाराजांची ८ फूट उंचीची आसनस्थ मूर्ती खास आकर्षण आहे. संत ज्ञानेश्वरांच्या मूर्ती समोर 'श्री ज्ञानेश्वरी ग्रंथ दर्शवण्यात आला आहे.

चित्ररथाच्या मध्यभागी हिंदवी स्वराज्य संस्थापक छत्रपती शिवाजी महाराज आणि वारकरी संप्रदायाच्या इमारतीचे कळस असलेले जगद्गुरू संत तुकाराम महाराज यांच्या भेटीवर आधारित 'भक्ती आणि शक्ती'चा संदेश देणारे प्रत्येकी ८ फूट उंचीचे फिरते पुतळे आहेत. 

या चित्ररथावरील महाराष्ट्राचे परम दैवत असणाऱ्या श्री विठ्ठलाची कटेवर हात असणारी ८.५ फूट उंचीची राजस, सुकुमार मूर्ती अवतरली आहे. चित्ररथाच्या शेवटच्या भागात ८ फूट उंचीचा 'संतवाणी' हा ग्रंथ उभारण्यात आला आहे. यावर विविध संतांची वचने लिहिण्यात आली आहेत.

मृगव्याधेश्वर महादेव मंदिर, नांदूर मध्यमेश्वर

मृगव्याधेश्वर मंदिर, नांदूर मध्यमेश्वर  –

प्रभु श्रीराम आपली भार्या सीता व बंधु लक्ष्मण यांच्यासमवेत वनवासात असताना दंडकारण्यात पंचवटीमध्ये वास्तव्य करून होते. यादरम्यान लक्ष्मणाने शूर्पनखेचे नाक कापून तिला अपमानित करून पाठविले. याचा सूड घेण्यासाठी तिने आपला मोठा भाऊ लंकाधिपती दशानन रावण याच्याकडे सीतेचे हरण करण्याचा हट्ट धरला. 

सीतेचे हरण करण्याच्या उद्देशाने रावणाने त्याचा  मामा मारीच याला कांचनमृगाचे रूप धारणकरून पंचवटीत पाठविले. त्या मायावी कांचनमृगाचे सुवर्णकाय शरीर पाहता सीतेला त्याची कातडी कंचुकीसाठी वापरण्याची इच्छा झाली. सीतेची इच्छा पूर्ण करण्यासाठी म्हणून प्रभुरामचंंद्र त्या कांचनमृगाची शिकार करण्यासाठी निघाले. कांचनमृग मायावी असल्यामुळे ते रामाला हुलकावणी देत नांदूरमध्यमेश्वर या ठिकाणी आले. तो मायावी मृग टप्प्यात येताच रामाने निर्वाणीचा बाण मारला आणि मृगाच्या पायाची खुरे तुटली गेली, याची आठवण म्हणून या ठिकाणी  मृगव्याधेश्वरची स्थापना करण्यात आली.आजही या ठिकाणी खुर तुटलेले मृग समाधिस्त आहे. ज्या ठिकाणाहून रामाने बाण मारला त्या ठिकाणी बाणेश्वर मंदिराची स्थापना करण्यात आली. 

मुल्हेर किल्ल्याच्या माचीवरील अप्रतिम गणेश मंदिर

मुल्हेर किल्ल्याच्या माचीवरील अप्रतिम गणेश मंदिर 

Picture credit : kadaki_trekker

त्रिंगलवाडी किल्ल्यावरील हनुमंतराया

 त्रिंगलवाडी किल्ल्याच्या कातळात खोदलेल्या पायऱ्या चढल्यानंतर समोरच कातळात कोरलेली अप्रतिम हनुमंतरायाची मूर्ती 

#maharashtraforts #fortsinmaharashtra #fortsofmaharashtra #forts_of_maharashtra #sahyadri #sahyadri_clickers #sahyadritrekking #durg_naad #durg_vede #gadkille #maharashtra_forts #maharashtra_fort #trekking_in_sahyadris #shivajimaharajhistory #jayshivray #gadvede_trekkers #gadwat #jayhanuman #jay #jayshriram #hanuman

#कौळाणे येथील महाराजा सयाजीराव गायकवाड वाडा

#कौळाणे येथील #महाराजा #सयाजीराव #गायकवाड #वाडा

नाशिक जिल्ह्यातील मालेगाव पासुन अतिशय जवळ असलेले कौळाणे (नि)हे बडोदानरेश महाराजा सयाजीराव गायकवाड यांचे जन्मगाव. मालेगावमध्ये कौळाणे नावाची दोन गावे आहेत. एक आहे कौळाणे निंबायती. हे राजाचे कौळाणे या नावानेही ओळखले जाते. तर दुसरे आहे कौळाणे गाळणा. हे गाव गाळणा किल्ल्याजवळ असल्याने त्याला कौळाणे गाळणा म्हटले जाते.महाराजा सयाजीराव गायकवाडांचं म्हणजेच राजाचं कौळाणे विचारले की रस्ता चुकत नाही.

मालेगावच्या अलीकडे उजव्या हाताला सौंदाणे गाव लागते. गावाच्या कमानीतून कौळाणेकडे जाता येते. येथून साधारण दहा किलोमीटरवर कौळाणे आहे. सुरूवातीला सौंदाणे, टाकळी व सोनजमधून उजव्या हाताने कौळाणेचा पोहचायचे. एसटीच्या थांब्यापासून गावात प्रवेश केला की आपण थेट गायकवाडांच्या भल्यामोठ्या वाड्यासमोर पोहचतो. 

बडोदा संस्थानाच्या राज घराण्यात दत्तक गेल्यानंतर व राजे झाल्यावर  महाराजांनी आपल्या कुटूंबाला आणि जवळच्या नातेवाईकांनाही हळूहळू बडोद्यात आणले. तरीही जन्मगावी महाराजांनी आपले वडील बंधू #आनंदराव यांच्यासाठी इ.स. १८८५ साली हा भव्य वाडा बांधून घेतला. त्याचबरोबर त्यांनी आपल्या इतर भावंडांना व नातलगांनाही वाडे बांधून दिले. त्यामुळे गावात एक नव्हे तर सात भलेमोठे गायकवाडांचे वाडे आहेत.मात्र यातील दोन पूर्णपणे कोसळले आहेत.

आपण आज जाणून घेणार असलेला वाडा महाराजांचे ज्येष्ठ बंधू आनंदराव यांचा वाडा आहे.. आनंदरावांचे वंशज सत्यजितराजे गायकवाड यांनी हा राजवाडा 'दिलो जानसे' जपला आहे. आज हाच वाडा सयाजीरावांचा वाडा म्हणून ओळखला जातो.

वाड्याचे दरवाजाचे नक्षीकाम, सज्जा अन् दुमली वाड्यातील दोन चौक, दगडी व लाकडी खांब, चौकांमधील तुळस, तळघर, वीसपंचवीस खोल्या अन् आजूबाजूची नक्षी डोळ्यात भरते. पूर्वी या वाड्याच्या भिंती नैसर्गिक रंगांनी रंगवलेल्या चित्रांनी सजलेल्या होत्या. मात्र कालांतराने ते ऐश्वर्य मागे पडले. मात्र अशा स्थितीतही या वाड्याचे सौंदर्य पाहूनअजूनही डोळ्याचे पारणे फिटते.

या  वाड्याचे आरेखन #पेस्टनजी दोराबजी खंडाळेवाला यांनी केले आहे. बांधकाम ठेकेदार #डोसाजी लुकमन हे होते तर मिस्त्री म्हणून #चिरधार लिलाधर यांनी काम केले आहे.डिझायनर #पेस्तनजी हुशार, कर्तबगार आणि महाराजांचे विश्वासू गृहस्थ होते. कवळाणे येथील हा वाडा बांधून झाल्यावर महाराजांनी त्यांना बढती देऊन त्यांची प्रायव्हेट सेक्रेटरी म्हणून नेमणूक केली. यानंतर खाजगी कारभारी नेमले. 

सर्वांनी आवर्जून एकदा तरी जरूर भेट द्यावी असा हा वैभवशाली व प्रेक्षणीय वाडा आहे.