वक्रतुण्ड महाकाय सूर्यकोटि समप्रभ ।
निर्विघ्नं कुरु मे देव सर्वकार्येषु सर्वदा ॥
माघ महिन्यातील या संकष्टी चतुर्थीला द्विजप्रिय संकष्टी चतुर्थी म्हणतात. या दिवशी गणपतीच्या ३२ रूपांपैकी ६व्या स्वरूपाची म्हणजेच ‘द्विज’ स्वरुपाची पूजा केली जाते. असे मानले जाते की, विघ्नहर्ता द्विजप्रिया गणेशाला चार डोके आणि चार हात आहेत. या रूपात चार दिशेला चार मुख असून शुभ्र वर्ण आहे. चारी हातांमध्ये कमंडलू, रुद्राक्ष, छडी व ग्रंथ धारण केलेलं आहेत. ब्रह्मदेवाप्रमाणेच दोनदा जन्म झाल्यामुळे या गणेशाच्या रूपास द्विज गणेश असे नाव पडले. याचे चार हात म्हणजे चार वेदांचे प्रतीक मानले जाते.
या स्वरूपात श्री गणेशाचे ज्ञान व संपत्ती हे प्रमुख गुण आहेत. हे दोन्ही प्राप्त करण्यासाठी श्री गणेशाच्या या रूपाची आराधना केली जाते. त्यांची उपासना आणि उपवास केल्यास सर्व प्रकारचे त्रास दूर होतात. यासह, चांगले आरोग्य आणि आनंदी व समृद्धी प्राप्त होते.
द्विजप्रिय संकष्टी चतुर्थी निमित्त सर्वांना मंगलमय शुभेच्छा !!!
