नाशिकच्या पवित्र रामकुंड परिसरात गोदावरीच्या काठावर एक अनोखे हनुमान मंदिर आहे 'दुतोंड्या मारुती'.
या हनुमानाची मूर्ती दोन्ही दिशांना तोंड असलेली आहे — म्हणूनच त्याला "दुतोंड्या मारुती" असे म्हणतात.
१९४२ साली अहिल्याराम व्यायामशाळेसमोर दुतोंड्या मारुतीचे शिल्प उभारण्यात आले. या ११ फुटी भव्य मूर्तीचा पूर्वेकडील भाग मूर्तिकार शंकरराव परदेशी आणि मूर्तीचा पश्चिमेकडील भाग मूर्तिकार नथुराम भोईर यांनी घडविला आहे.
हे मंदिर केवळ धार्मिक दृष्टीनेच नव्हे तर व्यावहारिक दृष्टीनेही महत्त्वाचे आहे. गोदावरीला पूर आल्यावर नाशिककर या मारुतीवरून किती पूर आला याचा अचूक अंदाज लावतात. म्हणजे हा अकरा फुटाचा मारुती नाशिकचा अनधिकृत "पूरमापक" बनला आहे!
No comments:
Post a Comment